Hvað þýðir þetta?
Viðskiptavinir Orku náttúrunnar hafa um árabil keypt sitt rafmagn með svokölluðum upprunaábyrgðum án þess að greiða sérstaklega fyrir. Samkvæmt lögum er Ísland hluti af evrópska orkumarkaðnum og þar með þátttakandi í vottunarkerfi um uppruna rafmagns. Án þessara upprunaábyrgða telst rafmagnið vera úr sameiginlegum orkupotti Evrópu. Upprunaábyrgðarkerfinu var komið á til þess að styðja við endurnýjanlega orkuframleiðslu og þar með sporna við hlýnun jarðar. Rafmagnsframleiðendur geta selt þessar upprunaábyrgðir á frjálsum markaði og þannig geta fyrirtæki og einstaklingar í Evrópu stutt við endurnýjanlega rafmagnsframleiðslu.
Undanfari þessara breytinga er sá að Landsvirkjun reið á vaðið og tók ákvörðun um að upprunaábyrgðir hætti nú að fylgja með og verði seldar sérstaklega. Fleiri rafmagnssalar hafa tekið sömu ákvörðun.
Orka náttúrunnar hefur nú ákveðið að gera slíkt hið sama
Viðskiptavinir sem eru án vottunar mega ekki markaðssetja sig sem notendur endurnýjanlegs rafmagns.
Þarf ég að gera eitthvað?
Mikilvægt er að hafa í huga að viðskiptavinir ON færast sjálfkrafa í lægra verð með óvottuð rafmagnsviðskipti.
Viðskiptavinir okkar hafa hins vegar val um að greiða sérstaklega fyrir upprunaábyrgðir
Hvað kostar að votta rafmagnið?
Fyrir árið 2024 greiða viðskiptavinir sem óska eftir að kaupa upprunavottað rafmagns 0,5 kr. án vsk. fyrir hverja notaða kílóvattstund (kWh). Taflan hér að neðan sýnir dæmi um hvað viðskiptavinur með tiltekna ársnotkun þarf að borga fyrir að votta rafmagnsnotkun sína fyrir árið 2024.
Kostnaður við vottun á ári (Fyrirtæki)
Notkun kWh
M. vsk
Án vsk.
10.000 kWh
6.200
5.000
50.000 kWh
31.000
25.000
100.000 kWh
62.000
50.000
200.000 kWh
124.000
100.000
Hvert fara tekjur ON af sölu upprunaábyrgða?
Tekjum Orku náttúrunnar vegna sölu á upprunaábyrgðum var til ársins 2018 ráðstafað í uppbyggingu hleðsluinnviða fyrir rafbíla og frá árinu 2019 hefur verið og verður áfram fjárfest í tækni og nýsköpun til að gera rekstur virkjana ON sporlausar, t.d. með Carbfix tækninni.
Umhverfismál eru okkur afar hugleikin og því leggjum við áherslu á að nýta tekjur af upprunaábyrgðum til verkefna sem styðja við samfélagið og náttúruna sem við búum í.
Upprunavottun getur verið mikilvæg fyrir fyrirtæki
Fyrirtæki með grænt bókhald þurfa ekki upprunaábyrgðir en kolefnisspor þeirra mun hækka gríðarlega án þeirra, sérstaklega hjá þeim sem nota mikið af rafmagni. Þannig að viðskiptavinur sem vill greina frá kolefnisspori sínu er að horfa á nærri 60-falda hækkun á kolefnisspori vegna rafmagnsnotkunar án upprunavottunar.
Taflan hér að neðan, sem er alls ekki tæmandi, sýnir hvaða aðilum getur verið mikilvægt að rafmagnskaupin séu upprunavottuð. Þetta eru einkum fyrirtæki sem halda loftslagsbókhald þar sem umfang tvö í kolefnislosun er tiltekið. Rafmagnskaup eru innan umfangs tvö og kaupi fyrirtækin ekki upprunavottorð færist það kolefnisspor í loftslagsbókhaldið sem fram kemur í árlegri, staðlaðri yfirlýsingu viðkomandi rafmagnssala til Orkustofnunar. Taflan að neðan sýnir glögglega á hvaða aðila upprunavottun hefur áhrif.
Fyrirtæki
Iceland's emissions accounting (and climate targets)
Engin áhrif
Green Accounting submitted to the Environment Agency
Engin áhrif
Almenn upplýsingagjöf um rafmagnsnotkun
Taka þarf mið af uppruna rafmagns
Aðilar sem greina frá loftslagsbókhaldi skv. stöðlum s.s:
UFS leiðbeiningum Nasdaq
GHG Protocol
Taka þarf mið af uppruna rafmagns
Vottað loftslagsbókhald skv. ISO 14063 eða 14064
Valkvætt er hvort tekið sé mið af uppruna rafmagns