Fyrsta hraðhleðslustöðin fyrir rafmagnsbíla var opnuð í dag við Íþróttamiðstöð Vestmannaeyja. Einnig var sett upp hleðslustöð við Ráðhús og Bókasafn. Með þessu þarf vonandi enginn að vera með hleðslukvíða við komu til Vestmannaeyja enda bærinn kjörinn fyrir notkun rafmagnsbíla og leiðin á milli Reykjavíkur og Landeyjahafnar nokkuð greiðfær fyrir flesta rafbílaeigendur.
Hraðhleðslan við Íþróttamiðstöð er 50 kW og getur einn hlaðið í einu en stöðin við Ráðhúsið er 22 kW og þar geta tveir hlaðið í einu. Hraðhleðslustöðin við Íþróttamiðstöðina er sett upp til bráðabirgðar þar til endanleg staðsetning er fundin. Nánar tiltekið er staðsetningin á suð austur hluta bílastæðisins.

Hleðslustöðvarnar eru settar upp af Orku Náttúrunnar í samstarfi við Vestmannaeyjabæ. Til þess að hlaða þarf því að hafa ON appið eða hleðslulykil frá Orku Náttúrunnar.
Í framhaldi af þessu er hugur á áframhaldandi uppbyggingu hleðsluinnviða í Vestmannaeyjum.

Stefnir Elíasson, Haraldur Sigfús Magnússon, Íris Róbertsdóttir, Jón Þór Guðjónsson og Dagný Hauksdóttir


Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.