Fjölskyldudagur ON verður haldinn hátíðlegur sunnudaginn 12. maí klukkan 13 til 15. Dagskráin verður lifandi og fjölbreytt og ættu öll að geta fundið eitthvað við sitt hæfi. Vísinda Villi stýrir fjörinu, Stjörnu Sævar mætir á svæðið og Sirkus Íslands kíkir líka í heimsókn.

Frítt verður inn á Jarðhitasýninguna þennan dag þar sem fjölskylduratleikur verður í fullum gangi auk þess sem hægt er að kynna sér hvernig Orka náttúrunnar nýtir jarðvarmann til að framleiða rafmagn fyrir landið og heitt vatn fyrir höfuðborgarsvæðið. Öll fjölskyldan getur svo farið í göngutúr upp á Kolviðarhól undir leiðsögn Stefáns Pálssonar sagnfræðings.

Boðið verður upp á léttar veitingar, hverabrauð, gúrkur, tómata og kaffi.

Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.