Orka náttúrunnar tók þátt í Framadögum Háskólans í Reykjavík sem fram fóru í gær. Þar fengu háskólanemar tækifæri til að kynna sér starfsemi ON og fjölda annarra fyrirtækja og til að ræða við starfsfólk um möguleika á fjölbreyttum og spennandi sumar- og framtíðarstörfum.

Framadagar veita háskólanemum og atvinnulífinu kjörið tækifæri til að mynda tengsl og má með sanni segja að nóg hafi verið að gera hjá starfsfólki ON við að svara spurningum og spjalla við áhugasama nemendur. Okkur hjá ON þykir mikilvægt að hafa góða blöndu af ungu og reynslumiklu starfsfólki sem saman mynda öflug teymi sem vinna að okkar margvíslegu og mikilvægu verkefnum.

ON þakkar nemendum og skipuleggjendum Framadaga fyrir vel heppnaðan viðburð!