Öll sumur vinnur hópur sumarstarfsfólks ON við landgræðslu og fegrun umhverfis við virkjanir okkar. Í sumar vann landgræðsluhópurinn við að græða upp moldarflög á Hellisheiði.

„Við hjá Orku náttúrunnar leggjum ríka áherslu á góðan frágang og landgræðslu á okkar svæðum og vinnum markvisst að því að endurheimta landslag og gróður eftir rask sem fylgir okkar framkvæmdum“ segir Magnea Magnúsdóttir, umhverfis og landgræðslustjóri ON .

Verkefnið var að þessu sinni unnið í samstarfi við bændur í Ölfusi sem útveguðu hey sem var dreift í moldarflögin. „Heyið gerir yfirborðið stöðugra og myndar góðar aðstæður fyrir staðargróður til að nema land. Hópurinn sáði svo íslenskum túnvingulsfræjum í heyið til að örva myndun á gróðurhulu,“ segir Magnea.

Eins og sjá má af meðfylgjandi myndum hefur verkefnið skilað góðum árangri.