Orka náttúrunnar er 10 ára í ár!
Af því tilefni ætlum við að standa fyrir ráðstefnuröð sem ber yfirheitið Áratugur af ON- horft um öxl og áfram veginn. 

Fyrsta ráðstefnan verður haldin 15. febrúar og á þeirri ráðstefnu ætlum við að horfa inn á við og kynna starfsemi Orku náttúrunnar fyrir ráðstefnugestum.

Meðal erinda verða: 

• Áratugur af ON – Árni Hrannar Haraldsson, framkvæmdastjóri Orku náttúrunnar  

• Sögur úr virkjunum ON – nýtum betur, notum minna. Benedikt Kristján Magnússon, deildarstjóri framleiðslu Orku náttúrunnar

• Gróður er gull – endurheimt staðargróðurs við virkjanir ON. Magnea Magnúsdóttir, umhverfis og landgræðslustjóri Orku náttúrunnar

• Íslands eina Von – vetnisframleiðsla Orku náttúrunnar. Hólmfríður Haraldsdóttir, sérfræðingur í orkumiðlun hjá Orku náttúrunnar

• Frumkvæði orkuskipta í 10 ár – Guðjón Hugberg Björnsson, þjónustu- og tæknistjóri Orku náttúrunnar

Fundarstjóri er Harpa Pétursdóttir, stjórnandi málefna haghafa og stjórnsýslu hjá Orku náttúrunnar. 

Áratugur af ON verður haldinn á Hilton Reykjavík Nordica og hefst klukkan 08:30 með léttum veitingum. Að lokinni ráðstefnu klukkan 10 gefst tækifæri til að staldra við, þiggja léttar veitingar og eiga spjall.