ON - Reikningar

Útskýringar á reikningnum þínum

Hér er hægt að fá upplýsingar um sundurliðun á rafmagnsreikningum þínum og einnig svör við algengum spurningum.

Reikningar

Kynntu þér útskýringar á einstökum hlutum á reikningnum þínum

Af hverju er ég að fá reikning?

Hvað kostar rafmagnið sem ég nota?

Hvað þýða ákveðnir liðir á reikningnum?

Fyrir hvaða tímabil er reikningurinn?

Hvað er ég að nota mikið rafmagn á tímabilinu?

Skoða útskýringar

Spurningar og svör

Algengar fyrirspurnir um reikninga og útskýringar á þeim.

Af hverju fæ ég reikning frá ON?

Orka náttúrunnar selur rafmagn til heimila og fyrirtækja og rekur hleðslustöðvar vítt og breitt um landið. Reikningar sem koma frá Orku náttúrunnar geta verið vegna rafmagnsnotkunar á heimilinu þínu og/eða þú gætir verið að fá kvittun fyrir hleðslu á rafmagnsbíl.

Af hverju er reikningurinn minn svona hár?

Þú ert að fá uppgjörsreikning fyrir notkun á rafmagni. Það þýðir að þú hefur notað meira rafmagn en hafði verið áætlað. Uppgjörsreikningur getur einnig komið til ef þú ert að flytja – þá er þetta lokareikningur eftir að þú laukst viðskiptum með rafmagnsmælinn hjá ON. Með tilkomu snjallmæla getur upphæðin verið breytileg þar sem notkun getur verið misjöfn. T.d getur notkun á veturna verið meiri en á sumrin.

Af hverju fæ ég reikninga frá tveimur aðilum?

Það er alveg eðlilegt að fá tvo reikninga fyrir rafmagninu. Þú greiðir til dreifiveitunnar fyrir flutning og dreifingu á rafmagni og svo greiðir þú til raforkusala sem innheimtir rafmagnsnotkun. Dreifing á rafmagni er háð sérleyfi og raforkan er á frjálsum markaði.

Hvernig tilkynni ég nýjan greiðanda á rafmagnsmælinn?

Þegar nýr greiðandi tekur við rafmagnsmæli, þá þarf að tilkynna notendaskipti á mælinum hjá dreifiveitu á þínu svæði. Dreifiveiturnar eru: Veitur, HS Veitur, Orkubú Vestfjarða, Norðurorka og RARIK. Svo þú haldir áfram að vera í viðskiptum við ON- skráir þú þig inn hér. Þegar dreifiveita hefur staðfest notendaskipti á mæli, þá getur þú skráð þig í viðskipti til ON.

Hvað er dreifiveita?

Dreifiveita er fyrirtæki sem sér um dreifingu rafmagns út til heimila, fyrirtækja og annarra viðskiptavina. Dreifiveitan ábyrgist að rafmagnið sé flutt í gegnum raforkukerfi (raflínur, staurar, tengivirki) og til notenda. Hér er hægt að sjá útskýringu.

Hvernig breyti ég um greiðslumáta?

Greiðslumátabreyting er gerð á mínum síðum á on.is, hér má sjá verðskrá ON, tilkynningar- og greiðslugjöld.

Hvar sé ég reikningana mína?

Hægt er að skoða og sækja afrit reikninga á mínum síðum á on.is. Þar er einnig er hægt að sækja hreyfingaryfirlit.

Hvernig skrái ég mig í viðskipti?

Þú getur skráð þig í viðskipti með rafrænum skilríkjum hér.

Hvað kostar rafmagn?

Þegar þú greiðir fyrir rafmagn, þá greiðir þú fyrir kWh. Það eru tvö fyrirtæki sem innheimta fyrir rafmagn annars vegar dreifing og hinsvegar notkun rafmagns. Verðskrá ON má sjá hér.

Hvað er Orkuvísir ON?

Orkuvísir, er fyrsta skref ON í átt að því að opna á möguleika viðskiptavina að hafa áhrif á eigin rafmagnsreikning með ábyrgri eigin notkun. Taxtinn er byggður upp á markaðsverði raforku á hverjum klukkutíma og hentar heimilum sem geta stýrt raforkunotkun á ódýrari tíma, t.d. með því að hlaða rafbílinn á nóttunni.