Þú getur pantað ON lykil og virkjað hann í ON appinu eða á Hleðslusíðu ON og fengið sendan í pósti, þér að kostnaðarlausu. Þú virkjar síðan lykilinn á sama stað þegar þú ert kominn með hann í hendurnar. Þú gerir það með því að skrá inn raðnúmer lykilsins.

ON lyklahafar geta áfram notað ON lykilinn sinn með sama hætti og áður. Hægt verður að panta og virkja ON lykil í appinu eða á Hleðslusíðu ON.

Til þess að hægt sé að hefja hleðslu þarf greiðslukort að vera skráð inn í ON appið. Greiðslukortaupplýsingar er hægt að skrá undir „Greiðslur og kvittanir“ > „Veskið mitt“.

Eftir að þú hefur skráð þig inn, og ert búin/n að skrá greiðslukortið þitt inn í ON appið, smellirðu á „Hefja hleðslu“ og finnur þá hleðslustöð á korti þar sem þú ætlar að hlaða rafbílinn þinn á. Þegar þú ert búin/n að tengja við rafbílinn það tengi sem þú ætlar að nota, skannarðu QR kóðann sem er staðsettur hjá því tengi. Þá mun hleðsla hefjast.

Þú getur síðan fylgst með hleðslunni í stöðumyndinni í appinu. Þú munt einnig fá tilkynningar frá appinu þegar hleðsla er fullnægjandi.

Þú getur hlaðið á öllum hleðslustöðvum ON án þess að skrá þig til viðskipta. Þú færð tímabundin aðgang án kennitölu í 48 klukkustundir í ON appinu eða á hleðslusíðu ON. Eftir þann tíma er aðganginum eytt. Við hverja hleðslu er tekin fyrirfram heimild á greiðslukort. Eftir að aðgangi hefur verið eytt þarf að byrja ferlið upp á nýtt. ATH. tekin er fyrirfram heimild áður en hleðsla hefst, 3.000 kr. fyrir Hverfahleðslu (AC) og 6.000 kr. fyrir Hraðhleðslu (DC).

Sjá frekari upplýsingar um fyrirvaralaus viðskipti

Það eru þrjár leiðir til að skrá sig inn í ON appið.

1. Með rafrænum skilríkjum. Þannig getur þú orðið Lykilviðskiptavinur ON, ef þú ert með heimilisrafmagn í viðskiptum hjá ON.

2. Stofnað aðgang án kennitölu, þ.e. búið til notendanafn og lykilorð.

   3. Stofnað aðgang sem er eingöngu virkur í 48 klukkustundir.